Monday, May 24, 2004

Ma Ogtahay?

Do You Know?


TUSMO
1. Uunka Wada Gaara
2. Injiil
3. Barakeysan
4. Towbad
5. Jaahilaa Lumay
6. Qudduusnimo
7. Xog Warran
8. Cajabayey!
9. Faa'iido Maleh
10. La'eed
11. Laruuro
12. Runlow
13. Yimid Masiixii
14. Badbaado
15. Markii Hore
16. War Miisaan Leh
17. Nasiib Maleh
18. Adi Wanaagaaga

UUNKA WADA GAARA
Ma ogtahay Masiixii markuu
samada aadaayey
Ma ogtahay inuu yiri ammar oo dhan aa
aniga ley siiyey?
Ma ogtahay xertii in uu ku yiri
uunka wada gaara?
Ma ogtahay xer ka dhiguuna yiri
aadanoo idile?
Ma ogtahay baabtiisuuna yiri
markey aamminaane?
Ma ogtahay Seddaxmidnimadaa
la isku baabtiisi?
Ma ogtahay addeeciddaa la bari
iney adkeeyaane?
Ma ogtahay inuu yiri anaa
idinla sii joogi?
Ma ogtahay addeeceen warkii
Eebbahood faraye?
Ma ogtahay adduunkoo dhan buu
gaarey Eraygiiye?
Ma ogtahay aniba iigu yimi
aqalki aan iilley?
Ma ogtahay waxaan kula rabaa
inaad ogaataaye?
Ma ogtahay iftiin yaad ka heli
idil ahaantiise?
Ma ogtahay Masiixood akhbasho
arrinta koowaad ah?
Ma ogtahay ummaddood bartana
ammar cad weeyaane?


INJIIL
Ma ogtahay Injiilkeennu waa
Eray Ilaaheeye?
Ma ogtahay inaan lana bedelin
uu yahay sidiisi?
Ma ogtahay Ilaah baana yiri
dhowra Eraygeyga?
Ma ogtahay inaan yeelnayoo
taaban Eraygiisa?
Ma ogtahay awood inuu ka heli
kii adkeeyaana?
Ma ogtahay iftiin inuu yahay
nuursha illinkiisa?
Ma ogtahay miro ruuxiyaa
uunku ka arkaaye?
Ma ogtahay adduunkuu ku heli
Eebbe wuxuu siiyo?
Ma ogtahay abaal marin sugyoo
Aakhiruu heliye?
Ma ogtahay ilmeyn maayo oo
wuu ilka caddeyne?
Ma ogtahay akhbaarkaas inuu
dhigayo Injiilku?
Ma ogtahay la'aantiis iney
dunidu aafoobi?
Ma ogtahay inuu yahay dawada
aadanuhu doono?
Ma ogtahay inaan kula jeclahay
inaad horuu doonto?
Ma ogtahay aaya maleh ninkii
diida Eray Eebbe?


BARAKEYSAN
Ma ogtahay barakeysan kuwa
aan is booxaarin?
Ma ogtahay boqortooyada Jannadaa
gacanta loo buuxin
Ma ogtahay barakeysan kuwaa
laga baroorsiiyo?
Ma ogtahay Baaxad-soorahaa
bishaaradood siine?
Ma ogtahay barakeysan kuwaan
camal la buubeynin?
Ma ogtahay barwaaqada dhulkey
dhaxli banaankaase?
Ma ogtahay barakeysan kuwa
xaqnimo u baahan?
Ma ogtahay baashaal iney
uurka buuxsanina?
Ma ogtahay barakeysan kuwa
naxariista badan?
Ma ogtahay berigooda yaa
boorka laga qaadi?
Ma ogtahay barakeysan kuwaan
uurku bahaloobin?
Ma ogtahay berri inuu Ilaah
baro u dheerayni?
Ma ogtahay barakeyan kuwaa
nabada beeraaya?
Ma ogtahay barbaartaa inuu
Eebbe ballan siiyey?
Ma ogtahay barakeysan kuwaa
beenta lagu maago?
Ma ogtahay Boqortooyada Jannadey
baarax u dabaalan?
Ma ogtahay barakeysan kuwaa
Masiixa loo beylin?
Ma ogtahay abaal marin badan
iyaga loo buurye?

TOWBAD
Ma ogtahay towbad xumidey
tamiday Soomaali?
Ma ogtahay iney taag dhigeen
talana ay seegtay?
Ma ogtahay tol aan u tureyn
yey tixgeliyaane?
Ma ogtahay tubtii Eebbehood
saa uga talaabe?
Ma ogtahay ma toobsadaan haddaad
talo u taaneyso?
Ma ogtahay Injiil tows ridaa
diide taladiise?
Ma ogtahay Masiix taah tiraa
diide tusmadiise?
Ma ogtahay tumaatida ku dhici
taaheedaba mooge?
Ma ogtahay taarik iney yihiin
toosinin salaadda?
Ma ogtahay haddey tiicayaan
talo xumaantoode?
Ma ogtahay tab iyo xeelad ma leh
tu' ay ku faadi ?
Ma ogtahay Masiixey tartiib
taladiis yeelaanna
Ma ogtahay Injiilkey si toosa
ugu tixnaadaana
Ma ogtahay haddey toobad keen
aaney wada taabin?
Ma ogtahay tacabkood khasaar
tobanya dhowr jeere?

JAAHILAA LUMAY
Ma ogtahay Jaamacow ninkii
jaahilaa lumaye?
Ma ogtahay Jaxiimaan ka baqi
inuu u jiitaaye?
Ma ogtahay jikraarkiyo wuxuu
eedi jirribaadda?
Ma ogtahay xigaaliyo juffuu
Jidka ka doortaaye?
Ma ogtahay wuxuu jantaba
xaqa ma jiibeeyo?
Ma ogtahay jabkiisana ma oga
jiirku marayaaye?
Ma ogatahay jar inuu ka dhici
aanuu u jeedaynin?
Ma ogtahay kuwaa jerinayoo
oo u jiir nixina
Ma ogtahay inuu juuq u oran
hadal ha joogteena?
Ma ogtahay jalfis kuwuu dhiguu
jaal u heystaaye?
Ma ogtahay jilbiskaa diluu
jaarigiis yahaye?
Ma ogtahay jise laawahaas
jimicii diidaaya
Ma ogtahay janno inuu jahdaa
jiinka laga waaye?
Ma ogtahay jameecada Masiix
hadduu u soo jeesan
Ma ogtahay dhegna jalaq hadduu
jeerna u siineynin
Ma ogtahay Injiilkaa Jabbaar
hadduu u soo joogsan
Ma ogtahay Jaliil inuu jaaseyn
yaa u jiri doonta?

QUDDUUSNIMO
Ma ogtahay Ilaah Qaaddirkeen
waa wada qudduuse?
Ma ogtahay qudduusnimuuna faray
kii qira iimmaanka?
Ma ogtahay qof aan qudduus ahayn
Qaaddir arkimeyse?
Ma ogtahay qudduus haddii la noqon
qodobaa jira e?
Ma ogtahay Masiixood qirtaa
qodobka koowaad ah?
Ma ogtahay Qaaddirna waa inaad
qaab u jeclaataaye?
Ma ogtahay Qaaddir kale ma jiro
waa inaad qirtaaye?
Ma ogtahay qodob kalena waa
qaddari deriskaaga?
Ma ogtahay qisa kalaan rabaa
inaan kuu qunshaaye?
Ma ogtahay qummanaantu waa
qiime saa'idahe?
Ma ogtahay qurun laga haraa
qabarku noo sheegay?
Ma ogtahay qaab u socodka xumi
waa qar soo dumiye?
Ma ogtahay qadaf lama rabee
waa leys qurxiyaaye?
Ma ogtahay qushuuc waa sedee
qoomamadaa ceeba?
Ma ogtahay qiyaamaa jirtoo
Qaaddir loo tegiye?


XOG WARRAN
Ma ogtahay Soomaaliyey
sidaan idiin dooni?
Ma ogtahay sumad inaad tihiin
suran sedrigeyga?
Ma ogtahay sinnaba inaad
igaga suuleynin?
Ma ogtahay in leydin siroo
siriq leydiin daadshey?
Ma ogtahay in leydinku sugay
sebiyo waayeelna?
Ma ogtahay surunkaad heysaan
Saciiruu tagaaye?
Ma ogtahay Dariiqii sugnaa
leydinka sii jeedi?
Ma ogtahay siyaasadey ahayd
seddaxda Ilaahe?
Ma ogtahay sideedaba inaan
Saaddir qura leennay?
Ma ogtahay siniyo faaxishaba
Sayidku noo diidye?
Ma ogtahay sed weeyee inaan
oognana salaadda?
Ma ogtahay soonkana inaan
saani u adkeyno?
Ma ogtahay saddaqada waan
siinnaa ehelkeede?
Ma ogtahay sulux in aan nahoo
nabadda aan soorro
Ma ogtahay jannana inuu ka sabri
Sayidka kii diida?

CAJABAYEY!
Ma ogtahay Cali in aan ku iri
Caaddil war aqoonso?
Ma ogtahay in uu ciil qabtoo
carana ay saaqday?
Ma ogtahay caqli in aan u iri
war cowdibileyso?
Ma ogtahay cajabeyey uu yiri
Casiis waan aqaanaa?
Ma ogtahay cibaaradu waa
Ciisaha ad diidday?
Ma ogtahay Ciise inuu uun yahay
nebi Caaddil doortay?
Ma ogtahay Ciise nebi ka weyn
cilladdu waa taase?
Ma ogtahay cid kama aanan maqal
casharka kaagaahe?
Ma ogtahay inaan Ciise dabdii
Caaddil nebi dirin?
Ma ogtahay codxumidaadu iney
ciiddu ay giriiri?
Ma ogtahay cagahaaga yaa dhaama
caqligaaga?
Ma ogtahay cilaaqtanku ma ahan
camal gobaadeede?
Ma ogtahay cagahaaga yaa
Casiis ka cabsoodey?
Ma ogtahay caqligeyguna
Caaddil wuu yaqaannaa?
Ma ogtahay caammaa luntaye
culimo liibaantay?
Ma ogtahay caqiido san inaan
anigu ceyneynin?
Ma ogtahay Ciisaa kaaga filan
culeys ku haayoo dhan?
Ma ogtahay cishadanaan rabaa
Ciise in aan raaco?
Ma ogtahay Casiis waaxidaa
culay ad laabtaada?
Ma ogtahay cidaheygi yaa
cabsi igu haaya?
Ma ogtahay haddey Ciise rabaan
cidi ma hor joogto?

FAA'IIDO MA LEH
Ma ogtahay Faaraxow fudeyd
laguma faa'iido
Ma ogtahay fagfagtuna ka daran
furuqa faafaaye?
Ma ogtahay falkastoo ad fali
labaa la fiirshaaye?
Ma ogtahay fiig baa ku xigi
fara fudeyd baase?
Ma ogtahay facaa raaca waa
lagu fidnoobaaye?
Ma ogtahay faduusha xaqaa
laga fogaadaaye?
Ma ogtahay filfilid laguma helo
fered Ilaaheeye?
Ma ogtahay nin falan oo quraa
Eebbe isku fiiqa?
Ma ogtahay Fataax Eraygiisa
laguna faayaaye?
Ma ogtahay fiqiyadiisa yaa
laga faa'iidaaye?
Ma ogtahay Fardowsey ku geyn
faalada toodaa he?
Ma ogtahay fool adeyg ka roon
fulaynimo jaane?
Ma ogtahay faral weeye inaad
Ciise fadlan raacdo?
Ma ogtahay Injiilkeyna faray
Fiqiga raaciise?
Ma ogtahay famil hadduu ku noco
Fataaxaad leedahay?

LA'EED
Ma ogtahay Kulmiyow la'eed
kalaamka beentaahe?
Ma ogtahay wuxuu kaa geeyaa
keli Ilaaheeye?
Ma ogtahay kurbuu kugu ridaa
kaaga sii darane?
Ma ogtahay karaamaadna ma leh
kaan iska ilaalin?
Ma ogtahay kibir yaa dabeed
kurku la dheeraane?
Ma ogtahay wuxuu kaa celshaa
kalaam Ilaaheeye?
Ma ogtahay Injiikuu ku oran
waa ku aan jirine?
Ma ogtahay Masiixana kol buu
kuugu dhigi hoose?
Ma ogtahay kalaamkaas beentaahi
waaba karantiine?
Ma ogtahay ninkuu kaamil helo
kuuste gebigiiye?
Ma ogtahay Kaniisadda Alluu
kaaga digayaaye?
Ma ogtahay Kitaab kuu ku oran
kii horeba maahan?
Ma ogtahay sheydaankaa ka dhigan
kobuu ka soo duulo?
Ma ogtahay inkastoon ka digay
kallifka uu keeno
Ma ogtahay kumanaan ka badan
kuwaan i yeeleyne?

LARUURO
Ma ogtahay lillaahiye iney
lumeyso Soomaali?
Ma ogtahay luggooyaa la baday
lala diciifaaye?
Ma ogtahay libtoodi lunsheen
labiyo dhowr jeere?
Ma ogtahay laayacaa ku dhacay
iney liciifeenna?
Ma ogtahay laqbadi loo akhriyey
lalabkey eedeene?
Ma ogtahay lakabkii haddaa
daawa loo helaye?
Ma ogtahay laruuradoodu waa
Injiilkey liideene?
Ma ogtahay lurkaba waxaa ka bi'in
akhrinta Luukoose?
Ma ogtahay ma luudeen haddey
xaqa u laabtaane?
Ma ogtahay leyli bexe haddii
Masiixa loo geeyo?
Ma ogtahay luuqyada kuma heysteen
laqama sheydaane?
Ma ogtahay bannaan lagu nastey
layrsan lahaayeene?
Ma ogtahay laabtoodu wey
liibaani lahayde?
Ma ogtahay luufkaa ka hari
luri calooshooda?
Ma ogtahay inuu laxaw ka hari
laqdaba diideene?
Ma ogtahay laacib iney noqon
jannada loo diidin?

RUNLOW
Ma ogtahay Qudduuska ayaa
maamula adduunke?
Ma ogtahay awood yey ka heli
kulli Masiixiyiintu?
Ma ogtahay Maryan ku abuur
mirihii Masiixa?
Ma ogtahay dembigii ka dhana
marna lama dhaafe?
Ma ogtahay Runlow in la yiraa
magaca kiisaaba?
Ma ogtahay haddiyaduu baxshaa
Macalinkaa weyne?
Ma ogtahay midkii aan lahayn
ma ahan Masiixe?
Ma ogtahay mira ruuxiyuu
siiyaa mu'miniinta
Ma ogtahay jacayl yaa ka mida
miraha uu siiyo?
Ma ogtahay farxad yaa ka mida
miraha uu siiyo?
Ma ogtahay dulqaadashaa ka mida
miraha uu siiyo?
Ma ogtahay nabad yaa ka mida
miraha uu siiyo?
Ma ogtahay roonaan yaa ka mida
miraha uu siyo?
Ma ogtahay wanaag yaa ka mida
miraha uu siiyo?
Ma ogtahay aamminimaa ka mida
miraha uu siiyo?
Ma ogtahay qabow yaa ka mida
miraha uu siiyo?
Ma ogtahay is celin yaa ka mida
miraha uu siiyo?

YIMID MASIIXII
Ma ogtahay mar hore inuu
yimid Masiixeenni?
Ma ogtahay mooradii ku dhallay
Maryanoo bikraahe?
Ma ogtahay maxab kama uu helin
magaaladiisiiye?
Ma ogtahay jannuu mudan hayaa
uunka kii maqlaba?
Ma ogtahay cadaab inuu ku dhici
kii diida Masiixa?
Ma ogtahay in la muday oo
macatab la saarey?
Ma ogtahay in uu noo dhintoo
meyray dembigeenni?
Ma ogtahay in la aasay uu
galay mugdigaasna?
Ma ogtahay inuu sara kacay
seddax maalin ka dib?
Ma ogtahay inuu tegay Samada
Mowlana la joogo?
Ma ogtahay in uu imanayuu
maamulina uunka?

BADBAADO
Ma ogtahay badbaaduu baxshaa
Macalinka weyne?
Ma ogtahay Injiilkaad ka heli
macnahoo idile?
Ma ogtahay towbad keen ayaa
marinka kuu toosin?
Ma ogtahay janniyo naari waa
midkaad doorataaye?
Ma ogtahay camal suubban waa
mire Masiixeede?
Ma ogtahay waa haddiyad Alloo
muruq shaqeynayne?
Ma ogtahay masala gaabku eed
muranka beentaahe?
Ma ogtahay mushriknimnadu waa
ma hadho sheydaane
Ma ogtahay madax adeygu waa
marin ciriiryoone?
Ma ogtahay runtoo la wajahaa
marna la hureyne?
Ma ogtahay ab ka gaarku waa
marin habow jaane?
Ma ogtahay badbaado waxaad ku heli
Masiixood raacdaaye?

MARKII HORE
Ma ogtahay markii hore Ilaah
samaduu meegaarey?
Ma ogtahay arladana inuu
mudeyna tiirkeeda?
Ma ogtahay adduunyada mugdiyo
muuq xumaa helaye?
Ma ogtahay iftiin yaa Ilaah
maamuus ugu miisey?
Ma ogtahay iftiinkiyo mugdigi
meel ku kala oodye?
Ma ogtahay biyihii Ilaah
meel isugu geeye?
Ma ogtahay Macbuud inuu markaa
bad ku magaacabay?
Ma ogtahay dhulkii soo haraan
miro ku beernaaye?
Ma ogtahay Ilaahey badduu
mallaay ku abuuray?
Ma ogtahay Macbuudkeen jeclaa
muuqa quruxdiiye?
Ma ogtahay Ilaahey ku yiri
wada mataaneeya?
Ma ogtahay Ilaah yaa dhulkana
duunyo ku manneystay?
Ma ogtahay Aadan yuu kolkaa
uummay Mowlaheenu?
Ma ogtahay Aadan feertii buu
marwo uga yeelay?
Ma ogtahay Aadan iyo Xaawana
muuqiis ka abuurye?
Ma ogtahay jannadii iney
macandi heysteena?
Ma ogtahay mirihii cuneen
laga mabnuucaayey?
Ma ogtahay laga saar jannadey
maalku ku heysteenna?
Ma ogtahay Mowle waa caaddil
maalin iyo leyle?

WAR MIISAAN LEH
Ma ogtahay Masiixi noqo
Mowliid inaan iri?
Ma ogtahay inuu yiri meeqaa
maal la i siinaayaa?
Ma ogtahay inaan iri maal
Mowlaa laga tuugaa?
Ma ogtahay Masiixiyaddu
maaley bixisaaye?
Ma ogtahay ma iibsanno dadkee
macnuhu waa kaase?
Ma ogtahay malyuun oon ley siin
noqon maa Masiixi?
Ma ogtahay diintaad heysataa
maal yaa kugu siiya?
Ma ogtahay abkey ka gaaroo
mushaar layma siiyo?
Ma ogtahay adiyo abkaa
Mowlow tegaysaane?
Ma ogtahay Fardowsaan ka sugi
Mowlihii abuurtay?
Ma ogtahay Masiixii dafire
malahan liibaane?
Ma ogtahay middaasaan geleyn
aniga maankeyga?
Ma ogtahay Masiixoo quraa
Mowle loo maraaye?
Ma ogtahay ma aan maqal warkaa
maantadan horteede?
Ma ogtahay xujjaa daahirtoo
maqashay maantaane?
Ma ogtahay caddeyn male innaba
miinkaad tirineyso?
Ma ogtahay Injiilkaa dhigaa
Mowle hadalkiisa?
Ma ogtahay Injiilkii lunyoo
maanta lama haayo?
Ma ogtahay inuu saaran yahay
aniga miiskeyga?
Ma ogtahay haddey sidaa ay tahay
waa mucjiso weyne?
Ma ogtahay Masiixood qirtaa
mucjiso kaleetaa?
Ma ogtahay anigoo odayaa
leygu maadsaniye?
Ma ogtahay mushrikiintu abid
maage mu'miniinta?
Ma ogtahay war miisaan le yaad
maanta iila timid?
Ma ogtahay haddii taa ad garan
waa mahad Ilaahe?
Ma ogtahay halley maagabee
aqbal Masiixiiye?
Ma ogtahay ku mootiyey Ilaah
marin cadaabeedki?
Ma ogtahay Ilaah mahad lehoo
mu'min iga yeelye?
Ma ogtahay Ilaah wuu hadaa
maskaxdi doontaaye?

NASIIB MA LEH
Ma ogtahay nasiib male ninkii
diida nebi Ciise?
Ma ogtahay in ay naaqus tahay
diintuu nasri moodo?
Ma ogtahay nuurkii Ilaah
diidyey oo nacyaye?
Ma ogtahay nasteexo Eebbihiis
naafo ka jeclaaye?
Ma ogtahay Nasaaradi Ilaah
diidyey nabaddiiye?
Ma ogtahay necbaayoo ka fiig
nimco Ilaaheeye?
Ma ogtahay naxli lagu lumuu
nacamta haayaaye?
Ma ogtahay nibiri raacyayoo
nacyey Ilaaheeye?
Ma ogtahay nacasnimo yuu
nacabkii doortaaye?
Ma ogtahay naftiisii u dhiib
ma naxe sheydaane?
Ma ogtahay naqii diidyey iyo
nolol gobaadeede?
Ma ogtahay nararacdiisa yaa
naarna u horseedi?
Ma ogtahay nasab sheegashaa
nabara gaarsiine?
Ma ogtahay neecawdi janno
deyri noloshaase?
Ma ogtahay nabsaa helahayoo
xaquu naqtiimaaya?

ADI WANAAGAAGA
Ma ogtahay walaalow inaan
wacdi an kuu haayo?
Ma ogtahay warkeyguna waa
adi wanaagaaye?
Ma ogtahay waanadeydu waa
xaqood ad weydaaran?
Ma ogtahay weedh aan la hubin
Waaxid oran maaye?
Ma ogtahay nin waalin yaa yiraa
Injiilku waa beene?
Ma ogtahay wadada sami waa
Masiixood weyneyso?
Ma ogtahay weligaa inaad
innaba waareynin?
Ma ogtahay wed baa jira dila
waleysya waayeele?
Ma ogtahay Waaxid yaa dabeed
loo wada tegaaye?
Ma ogtahay waxaad geysataa
waa lagu horkeeni?
Ma ogtahay walaalow haddaad
heysataa wakhtiye?
Ma ogtahay waxaa kula gudboon
Waddadood soo raacdo?
Ma ogtahay Injiil waxaan ahayn
waa lagu lumaaye?
Ma ogtahay ninkii waxgaradaan
diidin weedheeye?
Ma ogtahay waa towbad qura
waxaan ku weydiine?

Source: BLib 015

No comments: