Saturday, April 18, 2009

Gabbal Baa u Dhacay Geyigi Soomaali


File photo

Baarlamaanka Soomaaliya oo cod aqlabiyad leh ku ansixiyay in Dalka Soomaaliya lagu xukumo Shareecada Islaamka

Sabti, April 18, 2009(HOL): Baarlamaanka Dowladda Midnimada Qaran ee Soomaaliya ayaa wuxuu maanta cod aqlabiyad leh ku ansixiyay in dalka Soomaaliya lagu xukumo Shareecada Islaamka.

Kulan uu maanta ku yeeshay Baarlamaanka Soomaaliya Xaruntiisa KMG ah ee Gaadiidka Booliska ayaa waxaa Xildhibaannada loogu soo bandhigay mooshin ay u soo gudbisay Xukuumadda Soomaaliya, kaasioo ku saabsanaa in dalka Soomaaliya lagu xukumo Shareecada Islaamka.


File photo

Kulankii maanta oo uu shir guddoominayay Ku xigeenka labaad ee Baarlamaanka Cismaan Cilmi Boqorre ayaa waxaa ka soo xaadiray 343 Mudane, dhamaantoodna waxay u codeeyeen in shareecada Islaamka lagu xukumo Soomaaliya.

Waxaa goob-joog ahaan u joogay kulankii maanta Hay’adda Culimada Soomaaliyeed iyo Golaha Abwaannada Soomaaliyeed, waxayna soo dhaweeyeen go’aanka uu baarlamaanka Soomaaliya gaaray.

Go’aanka uu maanta Baarlamaanka Soomaaliya ku gaaray in Shareecada Islaamka lagu xukumo Soomaaliya ayaa wuxuu markiisii hore baaq ahaan uga soo baxay Hay’adda Culimada Soomaaliyeed oo Dowladda Soomaaliyeed ugu baaqday in ay Dalka Soomaaliya ku xukunto Shareecada Islaamka.

Si kastaba arrintu ha ahaatee, waxaa la eegi doonaa sida ay go’aankan Baarlamaanka uga jawaabaan Kooxaha hubeysan ee ka soo horjeeda Dowladda Soomaaliya, kuwaasi oo qaarkood Dowladda ku tilmaamay in ay tahay mid riddo ah oo aan Diinta Islaamka wax shaqo ah ku lahayn.

Salaad Iidow Xasan (Xiis), Hiiraan Online
sxiis@hiiraan.com
Muqdisho, Soomaaliya

2 comments:

goodnewseverybodycom said...

thanks for posting these "eye-opening" photos, which believers around the world need to keep in rememberance of our fellow brothers and sisters in Christ..

Anonymous said...

Really is this about christ? no it's not. It a chance for a group of people FIXATED on putting stuff about islam in the media. I can grantee i could make a website to give Chirstanity a bad name. But it look i have IMAN so if i were to make a website i would base on the reason i believe my religion is better than your, it teaching value ,both for the believer's personally struggle and the stuggle as one nation,scientific facts.

peace ;]

At the end of the day i believe what i believe (which Obviously you think is wrong) and you believe in what you believe( which i know if wrong).