Anigoo dhawaan safar dhulka ah kaga soo baxay Hargeisa kuna sii jeeda Berbera ayaan waxaan ku leexday tuulada Macalinkeed Disho oo aan habeen ku hoyday. Anigoo hurdadu meel wacan ii marayso ayaan riyo ku arkay walaashay, xagga ruuxa, Dr. Maryan Cabdullaahi Macalin Maxamed, oo 14 October ee sanadkan ku geeriyootay kharixii ka dhacay Zope. Waxay isoo fartay gabaygan in aan gaarsiiyo Soomaalida.
Dib u eegistii 1aad, 02 November 2017
Maryan ma ahayn Masiixi iyo waxaan, maqlayay maalmahan
Uu maqaal ku soo qoray Bashiir[1],
meel walbana geeyay
Ii masabidaayaan gartaa, maalinya habeene
Milgaheeda yaan doonayaa, inaan mar uun sheego
I dhegaysta anigaa murtida, Eebbe igu miisay
Maro kuma xirna oo Bashiir, wuu mutuxan yahay
Ma wakiil ayuu iga yahoo, wuu i matalaayay?
Mindirraacintiisiyo bal eeg, iyo miraafkiisa
Is miidaamintiisan arkaa, meelna loo dayine
Miyuu gacan madoobaadayoo, waa musallif ruuxu?
Muslim Shaaficiya yaan ahaa, aan mala lahayne
Afar sanno mar laga joogo yaan, raacayna Masiixa
Magaciisu iga mayr dembigi, waanan mahadshaaye
Ku mutaystay jannadaan hedeer, aan mushaaxayaaye
Eebbaan ku mahadinahayaa, maqaamka aan joogo
Eebbaan ku mahadinahayaa, maqaamka aan joogo
Ina Maxamad aabbahy hadduu, Muslim igu sheegay
Magaciis ha raagee haddii, murugo ay saaqday
In Islaamku uu yahay muquuf, waa mid uu garane
Muqdishuu ku noolyahoo haddeer, la is muquunshaaye
Muslim laaya Muslimiinta yaa, meel walbaba taagan
Ehelkayga mid yaan oranayaa, werefku meermeershay
War Masiixa aamina intaan, maydku idin taaban
Maxamaddiyaddu diin maahine, maqla digniintayda
Waxaa lagu mutaysanahayaa, moolkii naareede
Ka soo baxa mirifkeeda oo, raacana Masiixa
Soomaali Maxamaday i maqal, haygana mashquulin
Muunad beel waxaa idinku riday, madax adayg baase
Hadaad Maxamad diidaan mar hore, raacdaana Masiixa
Muusannawgu wuu hari lahaa, Eebbe maragtiiye
Nabad iyo muwaafaqo ayaad, mudan lahaydeene
Sayiddii Masiixii ayaan, joogaa midigtiisa
I maashayday farxadoo ma qabo, murugoo idile
Maqsuud yaan runtii ahay hadeer, waana loo marage
Muslimnimo kumaan dhimanine, Eebbe mahadiise
Anigoo Masiixiya ayuu, mawdku i haleelay
In Masiixi aan ahay anigu, mar hore cadaystay
Mana dafarin weligay, anigu Macalin Nuurkeeye
Maskax yaanse leeyahoo runtii, aan miciin sadaye
Marinada lamaan
taagnahayn, milladda taydaaye
Garaadkaynu magansanuu na baray, Macalinkeenniiye
Rev. Sabaah Mohamed Omaar
Somalia Director, Somalis For Jesus
[1]
Bashiir M. Xersi. Maryan Ma Ahayn Masiixiyad. Caasimada.net. 2017. Waxaan daalacday 01 November 2017.
3 comments:
Waa gabay qiimo leh oo i qiira geliyay. Maryan waxaan bartay iyada oo la socota 2 qof oo Soomaali Masiixi ah waxayna reerkayga soo gaarsiiyeen kaalmo dhaqaale sannadkii hore maadaama abaartii xiligaas dhib naga soo gaaray. Anigu caqiidada Maryan ma aqaan mana waydiin waxaanse hubaa in labada qof oo ay la socotay (Xuseen iyo Mumina) ay yihiin Masiixiyiin dadka wax tara. Aniga way ogaayeen inaan Muslim ahay wayna i kaalmeeyeen.
Maryama waxaan kasaayay sannad ka badan waxaanan la yaabay wanaageeda iyo ixtiraamka ay dadka oo dhan u haysay. Markaan is baranaynay xitaa hoos ayaa laga xamanaayay oo waa kiristaan aa la lahaay laakiin qof fiiican ey eheed marka dadka oo wax ka sheegaaya waa xaasidiin.
Ciise ha ku barakeeyo, Maryamay. Masiixiyaddu waa jidka loo maro jannada. Waxaan rajeynayaa in Soomaaliya inteeda kale ay fahanto
Post a Comment